Вăрнарти пĕтĕмĕшле  пĕлӱ паракан 2-мĕш вӑтам шкулта вĕренекенсем «Эпĕ тăван чĕлхепе калаçатăп!» акцие хутшăнчĕç. 5-мĕш «А» класра вĕренекен Милена Иванова хăй çырнă «Вĕрентекен» сăввине вуларĕ, 8-мĕш «А» класра вĕренекен Ксения Григорьева Николай Ефстафьев çырнă «Пирĕн учитель» сăввипе тыткăнларĕ, 6-мĕш «А» класра  вĕренекен Петр Ильин Любовь Мартьяновӑн «Чӑвашла» сӑввине , Раиса Сарпин «Тӑван ҫӗршыв» сӑввине 10-мĕш класра  вĕренекен Дмитрий Тимофеев вуларӗҫ,  3-мĕш «А» классем чăваш юрри шăрантарчĕç.

Акци нарăс уйăхĕн 13-25-мĕшĕсенче иртет. Акцие тăван чĕлхепе (чăвашла, тутарла, ирçелле т.ыт.) калаçакан кирек кам та хутшăнма пултарать: тăван чĕлхепе сăвă каласа е юрă юрласа видеоролик ÿкермелле те «Контактра» хутшăну тетелĕнчи «Чăваш чĕлхи – чĕкеç чĕлхи» (https://vk.com/club201526545), «Чăваш наци конгресĕ» (https://vk.com/club73439225) ушкăнсене е Интернетри ытти хутшăну тетелӗсене (социаллă  сетьсене) #эпĕтăванчĕлхепекалаҫатăп, #эпĕчăвашлакалаҫатăп, #монкортанэрзякс, #минтатарчасөйлǝшǝм, #яговорюнародномязыке хештегсемпе вырнаҫтармалла.

Акцие йĕркелекенсем - Чăваш Республикин вĕренÿ институчĕ тата Чăваш наци конгресĕ.