Чăваш халăхне çутта
кăлараканăмăр И.Я.Яковлев тăван чĕлхе аталанăвĕшĕн, чăваш халăхĕшĕн
çав тери пысăк ĕçсем туса хăварнă. Чăваш чĕлхи эрни пынă май 5-7-мĕш классенче
«Чăваш кĕнекине ĕне çинĕ» лекци-калаçу иртрĕ.
Вăрнарти краеведени музейĕн директорĕ Шарипова Е. И. ачасене И.Я.Яковлевăн
пурнăçĕпе пултарулăхĕ çинчен тĕплĕн каласа пачĕ.
И.Я.Яковлев пулас ăрăва тăван чĕлхене упрама
пиллесе каланă: «Халăхăн ăс-тăнĕпе унăн пĕтĕм тĕнче курăмне тăван чĕлхе чун парать.
Тăван чĕлхесĕр чăн-чăн пĕлÿ çук». Çак сăмахсене пирĕн яланах асра тытмалла тата пурнăçламалла.
Тăван çĕр - шывăн паттăрĕсене ан манăр!
Сирĕншĕн вĕсем тĕслĕх пулса тăраççĕ. Вĕсем пек пулма тăрăшăр. Паттăрсен
сăнарĕсем çăлтăр пек пирĕн çине çутатса тăраççĕ, халăх историне кĕрсе юлаççĕ.