Паян, ака уйăхĕн 20-мĕшĕнче, «Чăваш Республикин
Вăрнар районĕнчи Вăрнарти пĕтĕмĕшле пĕлÿ паракан иккĕмĕш вăтам шкул» муниципаллӑ
вӗренӳ учрежденийӗнче Нина Алексеевна Пăрчăкан (тулли ячӗ — Нина Алексеевна
Семенова) сӑвӑҫпа тӗлпулу иртрӗ. Сăвăçă1955 çулхи чӳк уйăхĕн
27-мĕшĕнче Çĕрпӳ районĕнчи Мăнçут ялĕнче çуралнă. Ялти шкултан вĕренсе тухнă
хыççăн Тутарстанри медицина училищинче ятарлă пĕлӳ илнĕ. Чăваш Республикине
таврăнсан Шупашкарти «ЗЭИП» заводра фельдшер, унтан Ача-пăча поликлиникинче
медсестра пулса ĕçленĕ. Нина Пăрчăкан хаçат-журналта тăтăш
пичетленекен автор, аслисем валли те, ачасем валли те çырать.
Шкул ачисем хаклӑ хӑна тараватлӑн кӗтсе илчӗҫ.
Сӑвӑҫ хӑйĕн кун-ҫулне уҫса панӑ хушӑра ыйтусем парса унăн ӗҫ-хӗлӗпе, хальхи
пурнӑҫӗпе кӑсӑкланчӗҫ.