«Илемлĕ чăваш тĕрри» курав.

Чăваш çырулăхĕн никĕсне хывакан И.Я.Яковлев «Чăвашăн çĕр пин сăмах, çĕр пин юрă, çĕр пин тĕрĕ» - тенĕ. Чăваш чĕлхи кунне халалласа пирĕн шкулта «Илемлĕ чăваш тĕрри» курав иртрĕ. Кунта Николаева Ольга Николаевна ĕçĕсене курма пулать. Вăл тухъя, хушпу, масмак ăсталама ăста. Куравра  Сергеева Людмила Гурьевна тĕррисем те вырăн тупрĕç.

Чăваш халăх искусстви пуян та нумай енлĕ. Унăн тĕп тĕслĕхсенчен пĕри-тĕрĕ эрешĕ. Чăваш тĕрри-эрешĕ илемлĕ кăна мар, калама та çук пуян.

Ачасем чăваш тĕрри çинчен çĕннине нумай пĕлчĕç. Вĕсем тĕрĕ вăрттăнлăхĕсем, чăваш тĕррин хăйне евĕрлĕхĕсем çинчен аса илсе çирĕплетсе хăварчĕç.