Вăрнарти 2 – мĕш шкулта 7- мĕш «в» класра вĕренекенсем «Çăварни» уявĕпе саламларĕç. Уявра çăварни çинчен юрăсем, сăвăсем, такмаксем янăрарĕç Николаева Ольга Николаевна калакан баян сасси пурне те уява чĕнчĕ.
И çăварни, çăварни!
Çăвар тулли икерчи,
Кĕсье тулли премĕкĕ,-
Ма çăварни теес мар.
Ача –пăча, вăранăр! Çăварни çитрĕ – çу çитрĕ.
Хĕр ачасем ташлакан чăваш ташши те пурне те килĕшрĕ. «Çăпаталла» выляр – и? Манăн çăпата ялан пĕрле»,- чĕнчĕ вăййа Ванюк. Тутлă икерчĕпе те хăналарĕç ачасем. Уява илемлетнĕ лаша та вирхĕнсе кĕчĕ, ачасем çăварни карчăкки çинчен те манман. «Çăварни карчăкĕ! Тутлăхлă пул! Чипер кай! Чире-чĕре илсе тухса кай!»
Эх, çăварни, çăварни…
Юрă-ташă кăларни
Çуркуннене чыслани.
Хĕле ĕçсĕр хăварни!
Асаттесен пилĕпе
Атте-анне пехилĕпе
Асран кайми, чăвашсем!
Уяв пурне те килĕшрĕ! Чăваш халăх йăли- йĕркине манар мар.